Pas publikimit të një video nga media online ku shfaqej një shtetas që godiste një person tjetër dhe punonjësi i policisë që ishte pranë vendit të ngjarjes nuk ndërhyri, ka bërë që policia e Shkodrës të nis hetimet për të.
;
Polici është pezulluar nga detyra.
Ngjarja ka ndodhur në datë 12 prill rreth orës 14:00, në rrugën “Bulevardi Skënderbeg” Shkodër. Për motive të dobëta Doçaj, nga fshati Bardhaj i Shkodrës ka goditur me grusht shtetasin A. Ç. nga ky qytet.
Gjithashtu u referuan materialet në organin e akuzës edhe për punonjësin e Policisë Rrugore të Shkodrës Taf Vokrri, për veprën penale “Mosdhënie ndihme”, neni 97 i Kodit Penal. “Ndërkohë ndaj punonjësit të policisë u mor masa e pezullimit nga detyra dhe nisja e ecurisë disiplinore, pasi është treguar i njëanshëm në kryerjen e detyrës, pa ndonjë arsye nuk i ofron ndihmë qytetarit, nuk ndërhyn kur e kërkon nevoja, duke dëmtuar imazhin e Policisë”, thuhet në njoftimin e policisë. Policia e Shtetit fton mediat dhe qytetarët të denoncojnë çdo rast të shkeljes të ligjit apo shkeljeve nga punonjësit e policisë duke garantuar marrjen e masave të menjëhershme.
