Skuadra italiane Tuttocuoio është goditur nga një tragjedi mëngjesin e sotëm.
Sulmuesi i Tuttocuoio, nga Serie D e Italisë, Federico Zini, është gjetur i vdekur bashkë me ish të dashurën e vet. Ai dyshohet ta ketë vrarë ish të dashurën e më pas edhe veten, raportojnë mediat italiane, përcjell Express.
Raportohet se ai kishte shkuar për ta vizituar ish të dashurën Elisa Amato në Prato dhe kishte tentuar ta bindte t’i kthehej atij.
Ajo kishte refuzuar, gjë që ka çuar në një përleshje mes tyre në rrugë pranë shtëpisë së saj, ku fqinjët e saj kanë dëgjuar të shtëna dhe e kanë thirrur policinë. Një makinë është parë duke u larguar me shpejtësi, me të cilën besohet se ai e ka bartur trupin e saj deri në një vend ku edhe ka kryer vetëvrasje.
Çifti u gjet në makinë pranë qendrës sportive në San Minato, afër Pisa.
