Mirlind Daku ka vendosur të qëndrojë te Rubin Kazan dhe të rinovojë. Sipas mediave ruse, palët kanë rënë dakord për zgjatje të kontratës deri në vitin 2029, me përmirësim page.
Mirlind Daku do të vijojë të jetë një lojtar i Rubin Kazan. Sipas mediave ruse, vendimi është marrë.
Paga fikse e Dakut do të jetë 2,2 milionë euro, pa harruar shpërblimin e besnikërisë prej 1,6 milionë eurosh dhe shtesa të tjera, duke u bazuar te paraqitjet. Marrëveshja e re do të jetë e vlefshme deri në vitin 2029.
Rubin Kazan i ka vendosur edhe një çmim prej 10 milionë euro për këdo që interesohet ta marrë sulmuesin 27-vjeçar të Kombëtares. Mirlind Daku ishte shumë pranë transferimit te Zenit, por pretendimet financiare penguan lëvizjen e tij.
Daku u afrua te Rubin Kazan në verën e vitit 2023 dhe deri më tani ka shënuar 25 gola në 62 ndeshje. Mirlind Daku është aktivizuar edhe në Kosovë, Shqipëri, Kroaci dhe Slloveni.
