Ditën e sotme, nga ora 09:00 deri në 22:00, janë regjistruar 47 vatra zjarri në të gjithë vendin. Nga këto, 45 vatra janë shuar plotësisht, ndërsa 2 vatra mbeten aktive.
Konkretisht, është arritur izolimi dhe shuarja e zjarreve në zona të ndryshme, përfshirë Tenë në Mirditë, lagjen Donika Kastrioti në Berat, Lazarat në Gjirokastër, Ishull-Lezhë në Lezhë, Velmish në Roskovec, Tapi në Kuçovë, Petresh në Elbasan, Marinëz në Roskovec, qytetin e Shëngjinit, Fushë-Gjorm në Kurbin, dhe zona të tjera në gjithë territorin.
Aktualisht, vatrat e mbetura aktive ndodhen në Fushë-Gjormë, njësia administrative Mamurras, bashkia Kurbin, dhe në kryqëzimin e Dajçit, njësia administrative Dajç, bashkia Lezhë.
Në Dajç, zjarri po shtrihet në një sipërfaqe bujqësore dhe tymi i krijuar po vështirëson qarkullimin në rrugën nacionale Lezhë-Shkodër. Forcat zjarrfikëse janë në terren duke punuar për shuarjen e plotë të këtyre zjarreve.
