Vora ka njoftuar mbylljen e bashkëpunimit me Eni Imamin. Mbrojtësi bëhet largimi i tetë nga klubi që do të luajë në elitë, pasi fitoi kampionatin në Kategorinë e Parë.
Më parë janë zyrtarizuar largimet e Likës, Ntepe, Ismailit, Jatës, Skënderit, Dukës dhe Anenit. Mbetet për t’u parë nëse do të ketë largime të tjera, ndërsa klubi do të kthehet në korrik për përgatitjet e sezonit të ri.
Njoftimi i Vorës
“Futboll Klub Vora njofton mbylljen e bashkëpunimit me lojtarin Eni Imami. Klubi dhe lojtari kanë shtrënguar duart në fundin e këtij rrugëtimi. Falenderojmë Enin për kontributin e tij dhe i urojmë suksese në të ardhmen e tij”.
