Palmeiras ka hedhur një hap të rëndësishëm drejt fazës me eliminim direkt në Botërorin e Klubeve, pasi ka mundur Al Ahli me rezultatin 2-0 në ndeshjen e dytë në grup duke u ngjitur në kuotën e 4 pikëve.
Skuadra braziliane ia doli të mposhte egjiptianët me një lojë shumë më të mirë ofensive, edhe pse iu desh një autogol për të siguruar avantazhin. Më pas, një kundërsulm perfekt me Flako Lopez si protagonist, solli dyfishimin e shifrave.
Pas këtij goli ndeshja u ndërpre për 45 minuta, pasi pritej furtunë mbi stadium dhe lojtarët e tifozët u shoqëruan në ambientet e brendshme.
Por në të vërtetë nuk ndodhi asgjë dhe skuadrat u kthyen normalisht dhe vazhduan minutat e mbetura të sfidës me rezultatin që nuk ndryshoi më deri në fund.
