Fusha e mbetjeve në periferi të Vlorës u përfshi sërish nga flakëtmesditën e sotme duke krijuar një re të dendur tymi, në kulmin e sezonit turistik.
Gjatë këtij muaji kjo është hera e tretë që zjarri ka rënë në këtë zonë. Si pasojë tymi i zi, është përhapur në të gjithë qytetin “turistik” që propagandohet nga mëngjesi deri në darkë nga kryeministri Edi Rama, por në realitet pushteti vendos dhe qendror nuk merr asnjë masë.
Tashmë që ka nisur sezoni veror, situata e zjarreve në fushën e mbetjeve të Vlorës është e njëjtë dhe kaotike. Jo vetëm qytetarët por tashmë edhe pushuesit po “mbyten” nga tymi kancerogjen që mbylon të gjithë zonën.
Zjarrfikësit ndodhen në vendngjarje ku po punojnë për neutralizimin e flakëve.
