Ish-mesfushori i Laçit, Alban Shabani është rikthyer në futbollin kosovar.
25-vjeçari, i cili në fund të sezonit ndau rrugët me klubin kurbinas, ka nënshkruar me Ferizajn.
Lajmi është konfirmuar nga vetë klubi bardhekaltër:
“Alban Shabani është bardhekaltër.
Kemi kënaqësinë t’ju njotojmë se sot klubi ka arritur marrëveshje me mesfushorin cilësor Alban Shabani, i cili nga sot bëhet pjesë e familjes bardhekaltër.
Shabani së fundmi ishte pjesë e KF Laçit në Superioren Shqiptare, ndërsa më herët ka luajtur edhe për Feronikelin në Kosovë. Me përvojën dhe energjinë e tij në mesfushë, ai pritet të jetë një shtyllë e rëndësishme për ekipin tonë në sezonin e ri.
Mirë se erdhe, Alban! Na pritet një rrugëtim i përbashkët plot suksese”, thuhet në njoftimin e Ferizajit.
