Nënat që përfitojnë lejen e lindjes po përballen sërish me vonesa shqetësuese në derdhjen e pagesave mujore.
Data shënon 16 dhe akoma nuk është bërë asnjë pagesë për këtë muaj nga Instituti i Sigurimeve Shoqërore i cili drejtohet nga Astrit Hado.
Edhe pse pagesa e lejes së lindjes në Shqipëri vijon të jetë ndër më të ulëtat në rajon, sërish ky institucion ka dështuar ti përmbushë detyrimet e tij. Pagesat për lejen e lindjes nuk janë një ndihmë, por një e drejtë që nuk duhet shkelur nga Instituti i Sigurimeve Shoqërore, i cili vazhdimisht është denoncuar për tejkalimin e afateve të derdhjes së tyre.
Një nënë që ka lindur në janar denoncon se kjo situatë është e papranueshme, sidomos kur bëhet fjalë për familje që mbështeten tërësisht te ky përfitim për të mbuluar nevojat bazë të foshnjes.
“Pershendetje. Perseri nuk jane derdhur keto leket e lejes se lindjes per nenat e reja. Nuk e kuptoj , ka nena qe mezor i presin, jane me qera , duan ti blene qumesht e pampersa bebave dhe nuk kane burim tjeter te te ardhurave. Ju lutem ndaje kete shqetesim. Anonim. Nuk kane futur ende te ketij muaji.kam lindur n.e janar. Nuk kane dale leket e Qershorit. Zakonisht futeshin ne fillim te muajit. Dhe muajin e kaluar kishin shprehur shqetesim ne faqen tuaj I hodhen ne dt 10. Kete muaj tani data 16 ende sjan hedhur”, denoncon një nënë e re për JOQ.
