Kreu i PD-së Lulzim Basha ka denoncuar mbrëmjen e sotme vëllezërit Xhafaj si kërcënues dhe joshës të gazetarit dhe denoncuesit, pas publikimit të audio-përgjimit dhe plasjes së skandalit të tyre.
Me një deklaratë për mediat, Basha është shprehur se gazetari investigativ Jetmir Olldashi, i cili ka realizuar përgjimin e Agron Xhafajt dhe intervistat me Albert Veliun, është kërcënuar nga Fatmir Xhafa, ndërsa Albert Veliu është joshur me shuma parash për të tërhequr deklarimet e tij.
‘Jam sonte në këtë orë të mbrëmjes para jush për të denoncuar thellimin e skenarit kriminal të Edi Ramës dhe Fatmir Xhafajt të cilët po përdorin shtetin e kapur dhe kanë hedhur në veprim strukturat e krimit të organizuar nën urdhrat e tyre për të kërcënuar gazetarin investigativ Jetmir Olldashi dhe për ti bërë presien dëshmitarit x, shtetasit Albert Veliu dhe familjarëve të tij.
Sot të dërguarit e Fatmir dhe Agron Xhafajt, njerëz të skeduar për vrasje të tipit mafioz nga zona e Vlorës dhe e Fushë Krujës i kanë ofruar një të afërmi të ‘Dëshmitarit X’, Albert Veliu 200 mijë euro nga paratë e pista që familja mafioze Xhafaj nga trafiku i drogës dhe veprimtari të tjera kriminale, që ai të përgënjeshtrojë deklarimet e bëra publike’.
[fbvideo link=”https://www.facebook.com/lulzimbasha.al/videos/1890942437623595/” width=”800″ height=”600″ onlyvideo=”1″]
