Duket se lufta në Lindjen e Mesme mes Iranit dhe Izraelit do të përshkallëzohet, pasi ushtria izraelite vazhdoi sulmet gjatë natës, duke njoftuar në rrjetet sociale se ka goditur selinë qendrore të Ministrisë së Mbrojtjes në Teheran, bazën e një projekti bërthamor, si dhe “objekte të tjera”.
Numri i viktimave dhe i të plagosurve nuk është bërë i ditur deri tani.
Izraeli ka theksuar se veprimet e tij janë të domosdoshme për të ndaluar zhvillimin e një arme bërthamore nga Irani në të ardhmen e afërt.
Ndërkaq, Irani ka pohuar prej kohësh se programi i tij bërthamor ka qëllime vetëm civile dhe brenda vendit.
