Janë mbyllur pjesët e para të ndeshjeve të fundit të Kapionatit Shqiptar të Futbollit, por sikurse pritej, trukimet dhe tolerimet janë aq të dukshme, sa nuk ka vend për diskutime. Skënderbeu tashmë i shpallur kampion po i bën nderin më të madh Vllaznisë, duke i hapur portën dhe në pjesën e parë ka pësuar dy gola. Vllaznia pritet që të paktën të shënojë edhe dy të tjerë për të mos rënë nga kategoria dhe ky “ndër” duket se do i bëhet deri në fund.
Ndërsa në kryeqytet luhet takimi tjetër i rëndësishëm Partizani-Kamza, që në pjesën e parë është mbyllur në barazim 0-0. Nëse ky rezultat nuk ndryshon deri në fund dhe Vllaznia shënon edhe dy gola të tjerë në Korçë, atëherë Kamza bie, ndërsa klubi shkodran mbijeton, me shumë dyshime, tolerime dhe trukime të trasha.
