Dhjetëra njerëz besohet se kanë vdekur, si pasojë e një valë të nxehtë që ka kapluar qytetin më të madh të Pakistanit, Karaçi këtë javë.
Fondacioni jo-fitimprurës Edhi tha se personat kanë humbur jetën si pasojë e temperaturave të larta, 42 gradë, duke arritur sa dyfishi i trupave të vdekur në morg.
“Ne kemi marrë 180 trupa të vdekur në katër ditët e fundit, që është më shumë se dyfishi i asaj që ne marrim normalisht”, tha Faisal Edhi, kreu i organizatës që mbikëqyr një sërë projektesh të shëndetit publik, përfshirë morgjet dhe shërbimet e ambulancës.
“Shumica e këtyre ishin vdekje të papritura për shkak të valës së të nxehtit, siç pohojnë të afërmit e tyre, të cilat nuk mund t’i verifikojmë në mënyrë të pavarur”, shtoi ai.
Por, autoritetet zyrtare në provincën Sindh e kundërshtuan vlerësimin e tij.
“Vetëm një viktimë është raportuar për shkak të temperaturave të larta deri më tani,” tha Muhammed Ali Shejh, tha drejtori i Autoritetit Provincial të Menaxhimit të Fatkeqësive në Sindh për AFP.
