Thomas Frank është trajneri i ri i Tottenham. Spurs kanë gjetur marrëveshjen me teknikun e njohur dhe palët do të bashkëpunojnë deri në vitin 2028.
“Jemi të kënaqur të njoftojmë emërimin e Thomas Frank si trajneri me një kontratë që zgjat deri në vitin 2028”- shkruan klubi.
Thomas Frank zëvendëson Ange Postecoglou, i cili u shkarkua në fillim të këtij muaji pavarësisht se udhëhoqi Tottenhamin drejt fitores në finalen e Europa League në maj.
51-vjeçari danez ka drejtuar Brentford së fundmi. Ai numëron 317 ndeshje në krye të kësaj skuadre, me ekipin që ka marrë mesatarisht 1.51 pikë për ndeshje.
