Saimir Tahiri, ish-ministri i Brendshëm ka bërë lëvizjen e radhës për të dalë nga shtëpia. Ai ka kërkuar për herë të dytë heqjen e masës së sigurisë ‘arrest shtëpie’ dhënë nga Gjykata e Krimeve të Rënda disa ditë më parë.
Kanë qenë avokatët e Tahirit, ata, të cilët kanë dorëzuar kërkesën në Gjykatën e Apelit, ku kjo e fundit ka caktuar 28 majin si datë për shqyrtimin e kësaj kërkese.
Nga ana tjetër, prokurorët e Krimeve të Rënda janë të bindur se kanë prova të mjaftueshme për të arrestuar Tahirin.
Pas heqjes dorë nga mandati, Saimir Tahiri nuk ka imunitet, çka nuk është e nevojshme që të merret leje në Kuvend për arrestimin e tij.
Mbi Tahirin rëndojnë akuzat për trafik të lëndëve narkotike në kuadër të grupit të strukturuar kriminal dhe korrupsionit të zyrtarëve të lartë. Gjithashtu, ai dyshohet si person i përfshirë dhe në bandën e Habilajve, të cilët ndodhen të arrestuar në Itali.
