Kombëtarja U-17 zhvilloi ndeshjen e dytë miqësore ndaj Bullgarisë në stadiumin “Niko Dovana” me ndeshjen që u mbyll në barazim pa gola, 0-0.
Trajneri Tedesco e nisi me këtë formacion titullar ndeshjen ndaj Bullgarisë: Lleshi, Marku, Pierro, Varesis, Luka, Mazani, Malko, Qosja, Llugaxhiu, Ymer, Lila.
Ndeshja ishte e luftuar nga të dyja ekipet, por sfida nuk prodhoi asnjë gol. Dy ditë më parë, kuqezinjtë e trajnerit Tedesco humbën 0-2 ndaj këtij kundërshtari me ndeshjen që u vendos që në pjesën e parë.
Paraqitje të dobëta të Shqipërisë së kësaj grupmoshe, ndërsa kujtojmë që në Europianin e 17-vjeçarëve regjistroi tre humbje të thella me të njëjtin rezultat 4-0 ndaj Portugalisë, Gjermanisë dhe Francës.
