Janë zbardhur emrat e pesë të arrestuarve në Kapshticë, mes të cilëve katër janë punonjës policie në këtë pikë kufitare. Katër efektivët e arrestuar akuzohen se nuk ushtruan kontroll në një mjet ku po transportoheshin 6 kilogramë heroinë e ndarë në pako.
AMP bën të ditur se në pranga kanë rënë:
1.Valmir Balliu banues ne Verdove, Pogradec, shoferi i mjeteti ku u kap droga
2.N/komisar Ylli Dushku me detyre Pergjegjes Turni ne PKK Kapshtice
3.Inspektor Franc Bylyku me detyre N/specialist kontrollor ne PKK Kapshtice
4.Inspektor Lirim Hymetllari me detyre Trupe sherbimi ne PKK Kapshtice
5.Inspektor Denion Myteberi me detyre Trupe sherbimi kontroll vija e dyte ne PKK Kapshtice
Nga hetimet, u arrit të dokumentohej me prova përfshirja e punonjësve të policisë në trafikun e lëndës narkotike, të cilët me mosveprime dhe në shkelje të ligjit nuk kanë ushtruar kontroll ndaj mjetit me drejtues Valmir Balliun, ku ishte e fshehur heroina.
Gjithashtu, janë sekuestruar 6 kg e 134 gr lëndë narkotike e dyshuar “Heroinë”, 5 aparate celularë, 256 fishekë (pistoletë model TT), 20 fishekë armë gjahu model 12 dhe një automjet.
Materialet proceduriale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Korçë.
