…Dhe skandalet nuk kanë të sosur. Aq pak i tremben policisë ‘të fortët’ sa nuk e kanë problem të tregojnë forcën edhe në mes të ditës dhe në prani të tyre. Një skenë aspak e pëlqyeshme ka ndodhur sot gjatë drekës në qytetin e Shkodrës. Një qytetar me biçikletë i cili po kalonte kryqëzimin sipër vijave të bardha, u përplas nga një Porsche Cayenne. Fatmirësisht qytetari shpëtoi por sikur të mos mjaftonte tronditja e pësuar nga përplasja, shoferi del gjithë arrogancë nga makina dhe fillon të godasë qytetarin në mes të rrugës, mu nën hundën e një polici rrugor, shkruan Jeta osh qef.
Kjo thjesht sepse qytetari i indinjuar në të drejtën e tij, fillon t’i kërkojë shpjegime shoferit për mënyrën e pakujdesshme të drejtimit të mjetit. Nga goditja qytetarit të shkretë i përfundojnë edhe syzet në tokë.
Por ajo që të bën vërtet përshtypje në këtë skenë, është mosreagimi i policit i cili duket sikur ka frikë nga shoferi. Veprimet e tij janë të pakuptimta, aq sa të jep përshtypjen sikur gjendet aty si qytetar i rastësishëm dhe jo si përfaqësues i shtetit.
Madje edhe kur qytetari pas goditjes, i thotë shoferit se do ta denoncojë, polici e shtyn këtë të fundit me krahë, a thua se po kërkonte diçka të paligjshme. Sigurisht kjo nuk është policia që duam.
https://www.youtube.com/watch?v=l6tF85yGWTM&oref=https%3A%2F%2Fwww.youtube.com%2Fwatch%3Fv%3Dl6tF85yGWTM&has_verified=1
(Boldnews)
