Menjëherë pas një eventi të rëndësishëm siç është ndarja e çmimeve “Billboards” vijojnë komentet për veshjet e artistëve, sidomos atyre femra.
Kësaj here e veshura më keq është konsideruar këngëtarja Christina Aguilera, e cila kishte veshur një fustan të zi me viza vertikale të bardha, i gjerë, me jakë V dhe me rrip në mes. Fustani shoqërohej nga një bisht shumë i gjatë, po nga e njëjta copë.
Kjo veshje mesa duket nuk i ka pëlqyer shumë publikut, duke e konsideruar Aguilerën si këngëtaren të veshur më keq. Megjithatë, ajo çfarë ka bërë përshtypje kësaj here është edhe Jeniffer Lopez, veshja e së cilës nuk iu ka pëlqyer një pjese të mirë të fansave të saj duke u shprehur se nuk ka qenë zgjedhja e duhur për një event të kësaj natyre. J.K
