Real Madrid zgjodhi Xabi Alonson për të zëvendësuar Carlo Ancelottin, i larguar së fundmi nga pankina e Los Blancos.
Spanjolli ka firmosur një kontratë për tre sezone dhe do të jetë në stol që në Kampionatin Botëror për Klube, që do të zhvillohet nga 14 qershori deri më 13 korrik në Shtetet e Bashkuara.
Alonso, në prezantimin e tij, ka thënë fjalët e para si trajner i Realit.
“Jam këtu për një aventurë të re dhe me shumë energji. Sot është një ditë e veçantë për mua, e cila do të mbetet e shënuar në kalendar. Ndihem sikur po rikthehem në shtëpi, sepse lidhja ime me Real Madrid ka ekzistuar gjithmonë.
Falenderoj presidentin që mendoi se isha njeriu i duhur për të udhëhequr këtë epokë të re. Është një moment i shkëlqyer për të gjithë, po ashtu edhe familjen, pa të cilët nuk do të isha këtu. Dua të flas për rolin që po marr.
Ancelotti ka pasur një ndikim të madh tek unë. Pa mësimet e tij, nuk do të isha këtu. Shpresoj të përmbush pritshmëritë.
