Prifti i cili u aksidentua paraditen e sotme në Korçë është nisur drejt Tiranës për shkak të gjendjes së rënduar shëndetësore.
63-vjeçari Kristaq Viso, ra aksidentalisht nga çatia e kishës ku shërben. Sipas raportimeve, kisha do të rikonstruktohej së shpejti, ndaj dhe prifti kishte hipur në çati për të hequr materialet të cilat mund t’i hynin në punë.
Në momentin e ngjarjes, në kishë ndodheshin dy priftërinj, njëri jashtë ambjenteve të kishës dhe tjetri mbi çati.
Raportohet se prifti ka marrë dëmtime të shumta në kokë dhe pas kërkesës së kryepeshkopit Joan, është nisur me urgjencë drejt Tiranës me helikopterin e ushtrisë.
