Në “Olimpico” u luajt ndeshja e fundit e Serie A mes Lazios dhe Interit, ku të dy ekipet luftuan për një vend në Champions League.
Interi fitoi 3-2, duke bërë një përmbysje të çmendur, që i siguron biletën e Championsit.
Icardi ishte heroi i zikaltërve, duke shënuar dy herë në pjesën e dytë e duke dërguar ekipin e tij pas 6 vitesh në Ligën e Kampioneve.
Lazio udhëhoqi 2-1 në pjesën e parë me golat e Marusic (9’) dhe Anderson (41’), por penalltia e shkaktuar nga De Vrij, i cili sezonin tjetër do të luajë me Interit, i hapi rrugën dështimit.
Icardi nga pika e bardhë barazoi 2-2 dhe sërish kapiteni me kokë shënoi golin e fitores për Interin, i cili e mbyll sezonin në vend të katërt.
Lazio mjaftohet me Europa League.
