Në Spanjë kishte shumë kuriozitet për të zbuluar emërimin e arbitrit për ‘El Clásico-n’ që do të vendosë garën për titullin.
Në fund, zgjedhja ra mbi Alejandro Hernández Hernández, i cili do të drejtojë sfidën që do të luhet të dielën, në orën 16:15, në stadiumin ‘Lluís Companys’. Ky do të jetë klasikja e pestë në karrierën e tij dhe bilanci është në baraspeshë të plotë: një fitore për secilën skuadër dhe dy barazime.
Arbitri nga Ishujt Kanarie, një nga më të kritikuarit nga një pjesë e tifozëve të Real Madridit, e ka gjykuar ‘El Clásico-n’ e tij të parë në sezonin 2015/16: “Los Blancos” fituan në “Camp Nou” me rezultatin 1-2, pavarësisht përjashtimit të Sergio Ramos-it.
Në sezonin pasardhës, Hernández Hernández e drejtoi ndeshjen në “Santiago Bernabéu”, e vendosur nga një gol i Leo Messit në minutat shtesë.
Dy ndeshjet e fundit kanë përfunduar në barazim. E fundit daton në vitin 2019, plot gjashtë vite më parë. Një zgjedhje që, në çdo rast, pritet të shkaktojë diskutime.
