Politikani gjerman i Unionit Kristian Demokrat (CDU), i cili ka qenë anëtar i Bundestagut gjerman që nga viti 2009, Peter Beyer ka shprehur mbështetjen e tij për Jorida Tabakun e cila kandidon në listën e hapur të PD në Tiranë në zgjedhjet e 11 Majit.
Beyer shprehet se gjatë gjithë viteve, Jorida ka punuar shumë fortë për të forcuar institucionet shqiptare dhe të sjellë Shqipërinë sa më pranë Bashkimit Evropian.
Beyer shprehet se Tabaku ka qenë urë komunikimi jo vetëm mes Shqipërisë dhe BE-së, por edhe mes Partisë Demokratike të Shqipërisë dhe Partisë Popullore Europiane.
Ai shprehet i bindur se, ndërsa Shqipëria lëviz drejt së ardhmes së saj europiane, zërat si ai i Jorida Tabakut janë thelbësore, të qarta dhe të angazhuara për reforma reale.
“Miqtë e mi të dashur shqiptarë, është kënaqësia ime të shpreh mbështetjen time të plotë për Jorida Tabakun, një deputete e angazhuar, një drejtuese vizionare, dhe një kolege e besueshme në familjen tonë të përbashkët evropiane.
Gjatë gjithë viteve, Jorida ka punuar shumë fortë për të forcuar institucionet shqiptare dhe të sjellë Shqipërinë sa më pranë Bashkimit Evropian.
Përkushtimi i saj për sundimin e ligjit, transparencën dhe vlerat europiane kanë qenë të palëkundshme. Ajo ka qenë urë komunikimi jo vetëm mes Shqipërisë dhe BE-së, por edhe mes Partisë Demokratike të Shqipërisë dhe Partisë Popullore Europiane.
Qëndrimet e saj brenda familjes së PPE kanë qenë gjithmonë konstruktive, me perspektivë dhe të bazuara në parime.
Ndërsa Shqipëria tani lëviz drejt së ardhmes së saj europiane, zërat si ai i Jorida Tabakut janë thelbësore, të qarta dhe të angazhuara për reforma reale.
Unë kam besim të fortë në aftësinë e saj për të udhëhequr dhe përfaqësuar aspiratat e popullit shqiptar me dinjitet dhe integritet.”– shprehet Peter Beyer.
View this post on Instagram
