AF Elbasani ka konfirmuar se trajneri Ivan Gvozdenovic do të vazhdojë të drejtojë skuadrën edhe për sezonin e ardhshëm. Njoftimi u bë nëpërmjet një postimi të shkurtër më rrjetet sociale.
Besimi për trajnerin serb mbetet i palëkundur pavarësisht dështimit për të zënë një vend në ‘Final Four’.
Klubi elbasanas, i cili i sapokthyer në elitën e futbollit shqiptar pas një sezoni dominues në Kategorinë e Parë, zhvilloi një sezon të kënaqshëm, edhe pse pa mundur të arrinte objektivin maksimal.
Tekniku serb ka fituar respektin e drejtuesve me punën e tij të palodhur, qasjen profesionale dhe rezultatet e arritura që kur mori drejtimin e skuadrës. Vazhdimësia në pankinë është një hap i rëndësishëm për të ruajtur stabilitetin dhe për të ndërtuar një skuadër konkurruese në elitë.
Me këtë vendim, Gvozdenovic do të ketë mundësinë të vazhdojë projektin e tij me Elbasanin.
View this post on Instagram
