Një grua 39-vjeçare ka ndërruar jetë, pasi një sasi lënde plasëse e improvizuar shpërtheu në Selanik, jashtë degës së Bankës Kombëtare në kryqëzimin e rrugëve Agios Dimitrios dhe Platonos.
Që në momentin e parë, një ekip i Skuadrës Antiterrorizëm, mbërriti në vendngjarje.
Shpërthimi ndodhi jashtë një parkingu të mbyllur në një bllok apartamentesh, në katin përdhes të të cilit ndodhet banka, pak pas orës 5 të mëngjesit në qendër të Selanikut, duke rezultuar në gjymtimin e një gruaje që ndodhej në vendngjarje në atë kohë.
Gruaja nuk mundi t’u shpëtonte plagëve të marra si pasojë e shpërthimit, duke gjetur vdekjen disa minuta më vonë pasi u dërgua në Spitalin Hipokrati.
Përfshirja e mundshme e gruas në shpërthim po hetohet.
