Kryeministri Izraelit Benjamin Netanyahu ka paralajmëruar se zjarret që po përhapen me shpejtësi pranë Jeruzalemit mund të arrijnë me shpejtësi në qytet, ndërsa në fjalimin e tij shpalli emergjencën kombëtare. Kreu I qeverisë izraelite u shpreh se erërat e forta me drejtim nga berëndimi mund ta dërgonin zjarrin brenda qytetit ndërsa tha se situata është kritik
Forcat zjarrfikëse po luftojnë me 6 vatra zjarri ndërsa më shumë se 5 mijë hektarë tokë, sipërfaqe e pyllëzuar është shkrumbuar nga flakët.
119 ekipe të forcave zjarrfikëvse në garë me kohën dhe flakët po punojnë për shuarjen e zjarreve se bashku me 10 aeroplan zjarrfikës. Pas kërkesës për ndihmë ndërkombëtare nga Tel Avivi zyrtar , ne Izrael mbërritën këtë të enjte edhe 8 aeroplan zjarrfikës nga Qiproja, Italia si dhe shtete të tjera.
Deri më tani raportohet se zjarret pranë Jeruzalemit kanë lënë tv plagosur dhe asfiksuar 23 persona, ku mes tyre ishin dy gra shtatëzana dhe dy foshnje nën një vjec. 13 persona po marrin kujdes të specializuar shëndetësor në Spital.
Të mërkurën pamjet apokaliptike treguan flakët pranë autostradës Tel Aviv – Jeruzalem duke sjellë bllokim të qarkullimit. Policia Izraelite lajmëroi këtë të enjte se të gjitha rrugët janë të hapura për qarkullim ndërsa njoftoi edhe rikthimin e shërbimit të trenave.
Autoritetet Izraelit po hetojnë mundësinë që zjarret të jenë ndezur qëllimisht pas raportimeve që thonin se Hamas iu kishte bërë thirrje palestinezëve të digjnin gjithçka që ato do të mundnin në kuadër të një rezistence popullore ndaj pushtimit Izraelit në Rripin e Gazës.
