Grupi i hakerëve “Stormous” deklaroi se ka sulmuar sistemet e kompanisë Wizz Air dhe ka hakeruar rreth 22 GB të dhëna të ndjeshme që përfshijnë informacione të kompanisë, punonjësve dhe klientëve.
Përmes kanaleve të tyre online, Stormous publikoi disa mostra të materialeve të vjedhura, të cilat përfshijnë raporte të brendshme të kompanisë, dokumente operacionale, certifikata të operatorëve ajrorë për punonjësit dhe palët e tjera të lidhura me operacionet e tyre.
Në një reagim për mediat ditën e sotme, Wizz Air mohon akuzat për një sulm kibernetik që ka prekur të dhënat sensitive të pasagjerëve, personale apo financiare.
“Wizz Air ka sisteme të fuqishme sigurie, të projektuara për të mbrojtur të dhënat sensitive të klientëve dhe partnerëve të saj të çmuar.”- thuhet në reagim.
Linja ajrore konfirmon se nuk është konstatuar asnjë shkelje në lidhje me këto informacione, dhe sistemet e saj mbeten të paprekura dhe të sigurta.
LEXO EDHE:
Hakerat vjedhin të dhëna të ndjeshme të klientëve dhe stafit të WizzAir, kompania hesht
