Nëse keni bërë plane për fundjavë, atëherë do të duhet të mendoheni sërish. Kjo pasi sipas parashikimeve, edhe këtë javë reshjet e shiut do të jenë dominuese në pjesën më të madhe të territorit.
Sipas Institutit të Gjeoshkencave, Energjisë, Ujit dhe Mjedisit (IGJEUM) gjatë ditës së nesërme priten reshje të herë pas hershme shiu, thuajse në të gjithë vendin.
RESHJET
Sot pasdite (e premte, dt.18) priten reshje të dobëta në të gjithë vendin. Nesër (e shtunë, dt.19) pritet që në orët e paradites të ketë reshje të dobëta në të gjithë vendin (siç tregohet në tabelë, respektivisht për secilin qark).
TEMPERATURAT
Nesër (e shtunë, dt.19) temperaturat minimale dhe maksimale të ajrit pritet të arrijnë:
në bregdet: 15 / 26 °C
në vendet e ulëta: 14 / 25 °C
në vendet malore: 10 / 22 °C
ERA
Sot pasdite (e premte, dt.18) dhe nesër (e shtunë, dt.19) era pritet të fryjë e lehtë deri mesatare në bregdet.