Policia e Elbasanit ka arrestuar rojen e karburantit, i cili nuk ka kallëzuar në polici për skenën e krimit që ndodhi dy ditë më parë.
Ai është Shkëlqim Sala 42 –vjeç, banues në fshatin Godolesh të Elbasanit. Në vijim të punës për zbardhjen e ngjarjes së djeshme ku u vra një 51¬vjeçar me gjashtë plumba në trup i cili ishte me precedentë të mëparshëm penalë, dyshohet se roja të ketë parë të gjithë ngjarjen dhe të mos ketë kallëzuar. “Ky shtetas, u arrestua nga efektivat e policisë për moskallëzim të krimit, pasi duke qënë roje i karburantit në vëndin ku ndodhi ngjarja, dyshohet të ketë parë ngjarjen dhe të mos ketë kallzuar”,¬ thuhet në njoftimin e policisë.
NGjarja:
Më datë 11.04.2016, në Lagjen “Skëndërbej” në afërsi të një pikë karburanti, është gjetur i vrarë me armë zjarri shtetasi Saimir Beqiri, 51 vjeç, banues në Elbasan. Gjatë kqyrjes së vëndit të ngjarjes, grupi hetimor ka gjetur dhe sekuestruar në cilësinë e provës materiale:
6 copë gëzhoja, kalibër 9mm
2 copa predha
Specialistët për Krimet e Rënda në Drejtorinë Vendore të Policisë Elbasan, në bashkëpunim me Prokurorinë e Rrethit Gjyqësor Elbasan, po vijojnë punën për zbardhjen e ngjarjes.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Moskallëzim Krimi” parashikuar nga neni 300 i Kodit Penal.
