Vetëm 24 orë pas rrëzimit fatal të një avioni privat në Florida, një tjetër tragjedi ajrore ka ndodhur në SHBA, ku humbën jetën dy persona në bord.
Tragjedia e re e aviacionit ndodhi në shtetin e Nju Jorkut, kur një avion me dy motorë me dy persona në bord u rrëzua në një fushë pranë qytetit të Kopeyak.
“Avioni një Mitsubishi MU-2B, po shkonte për në aeroportin e Columbia County pranë Hudson, Nju Jork, me dy pasagjerë dhe u rrëzua pak pas mesditës të së shtunës.” tha në një deklaratë Administrata Federale e Aviacionit.
Zëvendësja e Sherifit të Qarkut të Kolumbisë, Jacqueline Salvatore, e quajti incidentin një aksident fatal në një konferencë për shtyp, por nuk specifikoi se sa njerëz vdiqën.
Sipas saj, avioni u rrëzua në afërsi të Two Town Street dhe nuk shkaktoi dëme në asnjë ndërtesë. Gjithashtu, lagështia në tokë dhe bora vështirësuan hyrjen e ekipeve të shpëtimit në vend.
“Është në mes të një fushe dhe është mjaft me baltë, kështu që aksesi është i vështirë,” tha Salvatore
Bordi Kombëtar i Sigurisë së Transportit të SHBA-së njoftoi se ka vendosur një ekip hetimor. Nuk ishte menjëherë e qartë se çfarë e shkaktoi përplasjen.
