Një 28-vjeçar nga Hasi, Ajet Lleshi, është zhdukur në malin e Pashtrikut. Raportohet se i riu kishte dalë për të gjuajtur në mal që prej orës 15:00 të së dielës.
Forcat e Kërkim Shpëtimit të Kosovës në bashkëpunim me policinë e Hasit po bëjnë krehjen e zonës.
I riu ka kaluar natën në mal dhe rreth mesnatës ka telefonuar për ndihmë familjarët. Terreni i vështirë dhe koha e keqe me borë kanë vështirësuar punën dhe familjarët nuk kanë arritur të pikasin të riun.
Që pas mesnatës nuk ka asnjë kontakt me të.
Ndërkohë, kërkimet për të riun po vijojnë edhe me helikopter.
