Jurgen Klop bëhet me dhimbje koke përpara finales së madhe të Champions-it përballë Realit të Madridit. Trajneri gjerman tha se Milner nuk ishte në skuadër në ndeshjen e fundit të kampionatit ndaj Brajton, pasi vuante një dëmtim.
“Shpresojmë që ai të rikthehet. Por duhet ta pranojmë dhe të mendojmë në një zgjidhje tjetër”. Milner ka qenë një lojtar i rëndë- sishëm në lojën e Liverpulit dhe falë tij skuadra është më e matur. 32-vjeçari tani është në luftë me kohën për ndeshjen ndaj Realit më 26 maj në Kiev. Klopit i duhet të zgjedhë një mesfushë të ekuilibruar në rast se Milner nuk do t’ia dilte të ishte pjesë e skuadrës. Ndërkohë, Çambërlejn që vuan një dëmtim në gju të pësuar në ndeshjen ndaj Romës për gjysmëfinalen e Champions-it.
Lajm i mirë për tifozët e Liverpulit është fakti që Adam Lallana është aktivizuar për 15 minuta në ndeshjen ndaj Brajtonit.
“Më vjen mirë për të, ai është një opsion i mirë për ne. Por sa kohë mund të luaj ai? Këtë nuk e di. Ai është stërvitur me minutash të plotë me skuadrën dhe është një mundësi e mirë për ne”, përfundoi Klop.
Gjermani ka një sfidë të vështirë, pasi reparti i mesfushës duhet të jetë i gatshëm për të përballuar kualitetin e kundërshtarëve në finale. Reali cilësohet si skuadra me mesfushën më të mirë në Europë.
Burimi: http://www.panorama.com.al/sport/klop-me-dhimbje-koke-tjeter-lojtar-rrezikon-finalen/
