Tashmë është gjithçka zyrtare. Ernest Gjoka ka depozituar dorëheqjen tek drejtuesit e Vllaznisë, kërkesë që është pranuar në kryesinë e klubit kuqeblu.
Në një komunikatë për mediat lëshuar nga KF Vllaznia thuhet:
“KF Vllaznia ben te ditur se trajneri Ernest Gjoka pasditen e sotme ka paraqitur zyrtarisht dorëheqjen nga drejtimi i skuadrës. KF Vllaznia bën të ditur se që prej ditës së nesërme dhe deri në fund të kampionatit, ekipi do të trajnohet nga trajneri i ekipit B, Ervis Kraja”.
