Nga Pirro Ahmetaj
Të Dashur demokrate/ë, të Konispolit, Finiqit, Delvinës, Sarandës, Himarës, Selenicës dhe Vlorës !
Së pari, duke j’u garantuar se nuk kam asnjë keqardhje për rezultatin, i falënderoj me të njejtin respekt 2584 votuesit (pro/kundër) si dhe qindra qytetarë të tjerë, për mikëpritjen, diskutimet dhe shqetësimet që ndamë së bashku gjatë kësaj faze, që si eksperiencë e parë do të mbetet e paharruar në udhëtimin tim politik !
Së dyti, përtej çdo insinuate matrapazësh delekuent, rikonfirmoj edhe publikisht se askujt nga 2584 votuesve nuk j’u kërkova votën pasi i mirëkuptoj 1001 fijet e “votës në besë” mes kandidatëve dhe anëtarësisë, prandaj isha i fokusuar #vetëm në përpjekjen për të zgjuar “heshtjen fisnike ndaj mllefeve si dhe besimin te Fitorja e Shentëruar e 11 Majit”!
Së treti, me duhet të përsëris për çdo demokrate/ë që: “kurrësesi nuk erdha PD dhe as te Ju në këto Primare për “teser Partie as për në bodreronë e kuvendin e ardhshëm”, POR: “vetëm për të kontribuar me ekperiencën euroatlantike, përkushtim si dhe përgjegjshmëri të lartë politike në nevojën ulëritëse që ka Kombi për rotacionin demokratik të pushtetit”.
Së katërti, i bëj thirrje arsyeve fisnike të demokratëve që përtej primareve të imponuara nga statusi por gjithësesi të padobishme; përtej mllefeve mes njeri-tjetrit dhe mungesës dëshpëruese të kohezionit mes Drejtuesve, strukturave dhe anëtarësisë, ju ftoj të përbashkohemi rreth misionit të shenjtëruar të 11 Majit.
Në shtesë, ri-konfirmoj se mbetem edhe më i përkushtuar, për të kontrubuar me gjithshka sepse besoj te Perendia, te Kodet Fisnike të familjes, te shenjtëria e interesave Kombetare, vlerat demokratike, si dhe J’u bëj thirrje vllazërore, që së bashku në 11 Maj, ta “ndalim këtë Sulltanat-Demokraci”, për t’ju rikthyer vlerave të djathta, lavdinë -Blu, sigurisë dhe mirëqënien që meritojnë qytetarët e Qarkut të Vlorë dhe mbarë-Kombit.
Zoti e bekoftë 11 Majin, rikthimin e Shqipërisë në shinat e demokracisë funsionale si USA, UK & gjithë Europa.
Ju uroj çdo të mirë familjarisht si dhe pavarësisht numurave do mbeteni ndër miqtë e mi të çmuar.
