Vora e ka të qartë misionin. Ajo po punon seriozisht për të qenë pjesë e Superiores, por njëkohësisht edhe për të pasur një titull kampion të Kategorisë së Parë. Tashmë kur duhen edhe 8 javë kampionat, ata janë shumë pranë ëndrrës së madhe.
Vora ka shënuar gjithsej deri tani 46 gola, por gati gjysma e tyre kanë ardhur nga sulmuesi lituanezo-gjerman, Manfredas Ruzgis.
Aventura te Vora po i sjell fat Ruzgisit, pasi mësohet se ai ka marrë ftesë për herë të parë nga kombëtarja e Lituanisë.
Ndaj Kukësit, Ruzgis shënoi golin e 20-të sezonal, gol i cili i dha trepikëshin Vorës.
