Partia Demokratike ka njoftuar sot nje dalje qe e ka quajtur te jashtezakonshme per mediat. Me nje njoftim per mediat zyra per shtyp e PD ben me dije se “Ne oren 11.30 ne seline e PD do te kete nje dalje te jashtezakonshme per mediat”.
Nuk ka ende detaje se cfare pritet te paralajmeroje Partia Demokratike, por kujtojme se se fundi, dite per dite, PD ka bere publike fakte dhe te dhena ne vijim te publikimit te dosjes se vellait te ministrit te Brendshem, Fatmir Xhafaj. Si dhe fakte se si ministri Xhafaj, po mbron vellane e denuar per droge ne Itali. Nje dite me pare, PD njoftoi se do te publikoje sot te tjera fakte per vellane e ministrit. Burime të besueshme pranë Partisë Demokratike sqaruan dje se pyetjet qe dje deputeti i PD-se, Ervin Salianji, i adresoi ministrit Xhafaj, lidhen me dyshimet konkrete që ka opozita se vëllai i ministrit të Brendshëm vijon të ushtrojë aktivitet të paligjshëm në Shqipëri. Të njëjtat burime shtojnë se për këto dyshime, prej kohësh PD-ja është vënë në kërkim dhe disponon prova tronditëse që dokumentojnë se Agron Xhafaj ka vënë nën urdhrat e tij Policinë e Shtetit në funksion të ushtrimit të aktivitetit të tij kriminal dhe do te paraqiten sot publikisht nga deputeti Ervin Salianji.
