Vrasësi me pagesë, Nuredin Dumani, i kthyer në të penduar të drejtësisë, gjatë dëshmisë së dhënë në GJKKO është përplasur me ish “ushtarin” e tij, Xhuliano Hoxha, i dënuar për vrasjen e Emiljano Ramazanit dhe Regis Runajt.
Sipas Nuredin Dumanit, Xhulian Hoxha ishte informator i Erion Alibejt dhe njëherë ky i fundit i kishte dhënë një shumë prej 20 mijë euro.
“Më ka parë me sytë e tij të marr lekë nga Alibeaj?”, iu drejtua i dënuari. Ndërsa Nuredin Dumani iu përgjigj: “Unë vete jo, por diskutoja me Alibeajn”.
Ndërkohë Xhulian Hoxha u shpreh në gjyq: “Më herët Dumani ka thënë që unë i kam shërbyer grupit Capja. Kujt i kam shërbyer unë?”.
Por i penduari i drejtësisë u shpreh se “Emër nuk di. Në fillim më ka thënë Erioni. Por më vonë më ka thënë edhe Suel Çela. Ai kishte një dokument, deklarim, që sipas tij i kishte shërbyer Çapjave.”
Pjesë nga seanca në GJKKO:
Nuredin Dumani: Alibej vendosi edhe ca kamera në një pallat aty. Në vijimësi më sillte foto, përmes SKY.
Avokati Qani Hasa: Çfarë marrëdhënie kishte Alibeaj me Xhulian Hoxhajn?
Nuredin Dumani: Shoqërore. Alibeaj e paguante për informacionet që i sillte Xhulian Hoxhaj. I jepte lekë. Njëherë më ka thënë Erioni që i ka dhënë 20 mijë euro.
Avokati Qani Hasa: Kush të ndihmoi në vrasjen e Ramazanit?
Nuredin Dumani: Informacion merrja nga Alibej, por kisha edhe Henrik Hoxhën, që dinte lëvizjet dhe makinat e Emiliano Ramazanit. Ne kishim informatore një instruktor epalestre. Ajo na jepte informacion me telefon për lëvizjet e tij, kur ikte nga palestra.
Avokati Qani Hasa: Kush e mori vendimin për vrasjen e Rigers Runajt?
Nuredin Dumani: Erion Alibej e mori.
Avokati Qani Hasa: Kur vendosët të vrisni Bujar Çelën dhe arsyeja?
Nuredin Dumani: Ishte vendosur me herët. Ato ditë po shikonim ku rrinte Dine Çami. Si duket ai i kishte marrë masat. U vendos kur u vra shoku im i fëmijërisë Klevis Kapllani, më 15 shtator, në mos gaboj.
Lija mjetet e punës tek shtëpia e tij, pasi e njihja mirë zonën.
Më njoftoi Enver Diva se e kishin vrarë Kapllanin. Dola nga shtëpia e Arjan Spahiut dhe kam shkuar aty afër me Enverin dhe Xhixhën. Kaluam afër. E pamë makinën të qëlluar me plumba. Ikëm deri në Rrogozhinë dhe kur u kthyem mora Alibeajn dhe i thamë se do e vrisja Bujar Çelën.
Me 16 në darkë, mos gaboj, shtator, u bëmë gatim morëm 2 makinat që kishim në disponim, të dyja të vjedhura. Pritëm jashtë atë natë. Unë nuk kisha fjetur fare, që kur u vra Klevisi.
Unë i dija lëvizjet e Bujarit. Nga Elio e dija se ku pinte kafe çdo ditë.
Unë nuk i shkova tek shtëpia, por afër qëndroi Enver Diva dhe Besian Xhixha. Unë nuk doja të afrohesha në zonë.
U duk sikur ranë në sy dhe lëvizëm drejt Cërrikut.
Unë ju thashë “ore ai do dali për kafe”. U kthyem dhe pasi furnizova mjetin me karburant shkuam dhe e gjetëm atje tek kafja.
Avokati Qani Hasa: E ke njohur bashkëshorten e Xhulian Hoxhës?
Nuredin Dumani: Po.
Avokati Qani Hasa: Me çfarë komunikonit me Erionin dhe bashkëshorten e Xhulianit.
Nuredin Dumani: Me Sky.
I pandehuri Xhulian Hoxha: Më herët Dumani ka thënë që unë i kam shërbyer grupit Capja. Kujt i kam shërbyer unë.
Nuredin Dumani: Emër nuk di.
Xhulian Hoxha: Po ku e di ti.
Nuredin Dumani: Në fillim më ka thënë Erioni. Por më vonë më ka thënë edhe Suel Çela. Ai kishte një dokument, deklarim, që sipas tij i kishte shërbyer Çapjave.
Xhulian Hoxha: Ti më ke parë vetë me sytë e tu?
Nuredin Dumani: Jo, unë vetë jo. Nuk të kam takuar ndonjëherë. Çfarë më ka thënë Erioni dhe Sueli.
Xhulian Hoxha: A jemi parë ndonjëherë?
Nuredin Dumani: Po, jemi shkëmbyer tek pallati.
xhulian Hoxha: Ku i kisha kamerat tek shtëpia.
Nuredin Dumani: Tek dera e shtëpisë tënde kishte kamera.
Xhulian Hoxha: Më ka parë me sytë e tij të marr lekë nga Alibeaj?
Nuredin Dumani: Unë vete jo, por diskutoja me Alibeajn.
