Gazetarja Klodiana Lala deklaroi në emisionin “Të Paekspozuarit” në MCN TV se gjendja në landfillin e Sharrës është alarmante, pasi nuk ka më vend për të hedhur mbetjet e qarkut të Tiranës dhe, sipas, ka shumë tension në qeveri për këtë dhe se prokuroria do të jetë e detyruar që të hetojë për përgjegjësit e kësaj gjendjeje.
Ndërsa gazetarja Ola Xama tha se SPAK ka vendosur të hetojë depozitimin e dherave në landfillin e administruar nga Mërtiri dhe Zoto.
Klodiana Lala: Landfilli i Sharrës është minë me sahat, mund të kalojmë në emergjencë mjedisore.
Edhe nëse nuk reagon Prokuroria. Po të shkosh në Sharrë, është mal me plehra. Edhe sikur të mos dojë SPAK të ndërhyjë është i detyruar ta bëjë, sepse landfillit të Sharrës po i vihet dryni. Ka shumë tension në kryeministri për këtë punë.
Edhe sikur SPAK të mos e bëjë sot për 1 milion arsye, ajo është ndër çëshjet që do të shpërthejë një ditë. Do të rikthehemi prapë dhe do të flasim për pasojat dhe milionat që do të duhet të investohen dhe për arrestimet dhe personat që lejuan vjedhjen. Nuk do të ketë prokurori që mund të mbyllë sytë përballë një skandali të tillë.
Ola Xama: Fakti që inceneratori nuk është mbyllur si çështje e rrezikon edhe Veliaj dhe autoritetin kontraktor. Rolin e autoritetit kontraktor, prej dy vitesh e ka marrë bashkia e Tiranës dhe është paguar për dy vite për një landfill që kapsulon dhe nuk djeg mbetjet. Nga ajo që kam lexuar unë në një vendim të SPAK kam parë një aferë shumë të madhe të depozitimit të dherave, një skemë mafioze nga Mirel Mërtiri dhe Klodian Zoto, me policinë bashkiake dhe inspektoriatet dhe çdo ndërtues që nuk çonte dherat atje, gjobitej.
Nuk e di nëse SPAK do të vërtetojë lidhjen dhe nëse ka patur direktiva nga Veliaj.
Klodiana Lala: Një grup biznesmenësh që kanë patur prona janë detyruar që tyë japin prona për kompaninë e Mirel Mërtirit dhe Klodian Zotos. Janë me dhjetra miliona euro. Është një aferë shumë e madhe të kompanive dhe ka një hetim nga SPAK për këtë gropë korruptive.
Ola Xama: Kompania “5D”, ndryshe nga kompanitë e tjera kishte një çmim të diferencuar për dherat.
