Vdekja e 12-vjeçarit Leo Sadiku nga fshati Pocestë i Maliqit ka kaluar për hetim në Prokurorinë e Tiranës, pasi ajo e Korçës shpalli moskompetencë për shkak se i mituri humbi jetën në Qendrën Spitalore Universitare “Nënë Tereza”.
Familjarët e të ndjerit kanë kallëzuan mjeket e Korçës dhe Tiranës për neglizhencë me pasojë vdekjen e djalit të tyre, por deri më tani drejtësia nuk ka veprua.
Burime bëjnë se familjarët e Leo Sadikut që prej 3 Shkurtit i kanë kërkuar Prokurorisë së Tiranës që trupit të të ndjerit t’i bëhet autopsia, pasi fillimisht familjarët nuk pranuar për shkak të gjendjes së rënduar ku ndosheshin.
Por prej 17 ditësh, që kur është dorëzuar shkresa, Prokuroria e Tiranës nuk ka ndërmarrë asnjë veprim për kryerjen e proçedurave.
Familja Sadiku ndërkohë i ka bërë apel Prokurorisë së Tiranës kryerjen sa më të shpejtë të proçedurave dhe zbardhjen e ngjarjes.
Sipas familjarëve, mjekët pretendonin se i mituri kishte vetëm një virozë, ndërkohë nga kartela që e kanë parë mjekët në Greqi dhe në Gjermani, Leo rezulton se kishte një infeksion bakterial.
Kujtojmë se kallëzimi i familjarëve erdhi pas kallëzimit që ka bërë mjekja pediatre me inicialet J. B. ndaj nënës 44-vjeçare Roveta Sadiku të të miturit, ku e akuzon se e ka dhunuar, Ajo është vënë nën hetim për veprën penale “Goditje për shkak të detyrës”.
Nëna e Leo Sadikut, Roveta Sadiku në një prononcim për mediat ka mohuar lajmet se ka ushtruar dhunë ndaj mjekes që ka trajtuar djalin e saj.
“Jam përballur me mjeken në QSUT, teksa kishim mbesën në spital. Kur e kam parë më janë errur sytë, dhe më është rikthyer e gjitha çfarë kishte ndodhur. I kam thënë se pse ma vrau djalin dhe i jam afruar. Aty me ka rënë të fikët. Ka pasur dëshmitar që nuk e kam dhunuar atë mjeke. Unë këtë çështje ia kam lënë drejtësisë dhe pres që për djalin tim 12-vjeçar, të bëhet drejtësi”, u shpreh ajo.
