“Footmercato” raporton se janë të paktën 4 ekipe që interesohen seriozisht për golashënuesin më të mirë të këtij sezoni në Serie A. E kemi fjalën për Mateo Retegui-n, sulmuesi italo argjentinas ka shënuar 20 gola deri tani duke qenë në krye të listës së golashënuesve në Serie A.
Dy ekipet më të interesuara duken Arsenal dhe Manchester United, të cilat sipas medias në fjalë kanë kontaktuar me Atalanta-n dhe janë ende në fazën fillestare të bisedimeve.
Po ashtu Aston Villa dhe PSG janë të interesuara për 25-vjeçarin, por nuk kanë bërë ende kontakte të drejtpërdrejta me lojtarin dhe klubin bergamask. Kontrata aktuale e Retegui-t me Atalanta-n skadon në verën e vitit 2028 dhe klauzola për largimin e tij është 50 milionë euro.
Një shifër shumë e përballueshme për 4 ekipet në fjalë, por gara për italo-argjentinasin do bëhet akoma dhe më e fortë gjatë merkatos së verës, ku sigurisht Atalanta do të rrisë çmimin e tij, por është e vetëdijshme që do e këtë të pamundur ta mbajë gjatë duke parë interesin e klubeve të mëdha, ndaj do të kërkojë të përfitojë sa më shumë nga kartoni i tij.
