Taulant Xhaka do t’i japë fund karrierës së tij futbollistike dhe do të “varë këpucët në gozhdë”. Mesfushori shqiptar ka marrë këtë vendim drastik, teksa në verë do të mbyllë gjithçka me futbollin.
“Gjithçka që kam mundur të përjetoj me këtë klub deri më tani është ende një ëndërr për mua , sidomos si vendas i Bazelit. Kam qenë në gjendje të përjetoj kaq shumë momente të mrekullueshme në klub, kam pasur kaq shumë bashkëlojtarë të mëdhenj në dhomën e zhveshjes dhe kam qenë në gjendje të luaj kundër futbollistëve më të mirë në botë.
Ishte gjithmonë e rëndësishme për mua që të vendosja vetë që të ndaloja të luajturit futboll dhe kam arritur në konkluzionin që në verë do të jetë ai moment. Do të jem 34 vjeç në fund të marsit dhe çfarë mund të jetë më mirë se të tërhiqem në moshën 34-vjeçare, numrin që kam mbajtur mbi shpinë që te të rinjtë”, tha ndër të tjera Xhaka në një video të publikuar nga klubi ku ai komunikonte lamtumirën nga futbolli i luajtur në fund të këtij sezoni.
Një futbollist i dalë nga akademia e Basel në Zvicër, pjesë e të cilëve është prej vitit 2005. Ai ka bërë vetëm një vit shkëputje, në huazim nga janari 2012 deri në qershor të 2013 te Grasshoppers.
Që prej vitit 2013, Xhaka ka qenë vetëm pjesë e Basel. Një total prej 479 ndeshjes, ku ka gjetur rrugën e rrjetës 12 herë, e asistuar në 31 të tjerë.
Ndërsa përsa i përket ndeshjeve me Kombëtaren shqiptare, Xhaka ka zhvilluar 30 të tilla, ku shënuar edhe një gol. Ai ishte një prej protagonistëve të kualifikimit historik në Euro 2016 më Shqipërinë.
33 vjeçari deri më tani ka fituar 10 trofe, teksa karrierën, të cilën do ta mbyllë në verë mund ta “kurorëzojë” edhe me trofe tjetër, pasi Basel është në garë për titullin kampion në Zvicër.
Te Basel kanë nisur nderimet, ku klubi dhe tifozët e cilësojnë si një legjende të përjetshme “kuqeblu”.
