Pas “shfarosjes” së grupit të Met Kananit, ku u vunë në pranga 18 persona, Prokurorja e Krimeve të Rënda, Elisabeta Imeraj, gjatë konferencës se sotme per mediat u pyet nëse do të ekstradohet apo jo Escobari shqiptar, i cili është arrestuar në Turqi më herët.
“Detajet që janë të nevojshme dhe domosdoshme per tu bërë publike me mediat në kuadër të transparencës, ne i thamë. Tani të mos kalojmë në detaje që mund të kenë të bëjnë me cënimin e sekretit hetimor dhe veprimet proceduriale që do të bëhen në të ardhmen. Kjo është përgjigjia që mund të japim”, u shpreh Imeraj.
