Një 51 vjeçar në Krujë ka njoftuar uniformat blu pasi në afërsi të banesës së tij ka gjetur një sasi të konsiderueshme lënde eksplozive, gati për të shpërthyer.
Policia ka shkuar në banesën e shtetasit Sh.M. në fshatin Nikël dhe ka konstatuar në afërsi të rrethimit të jashtëm 2 kallëpe dyshohet me lëndë plasëse dhe fitil zjarrpërcjelles, të cilat u sekuestruan me cilësinë e provës materiale.
Policia njofton se grupi hetimor po punon për sqarimin e rrethanave të ngjarjes si dhe për identifikimin dhe kapjen e autorit.
