Vladimir Putin ka hedhur poshtë mundësinë e një takimi me Presidentin e Ukrainës, Volodymyr Zelenskyy.
Në një intervistë për median ruse “Rosia Tv”, Putin e cilësoi Zelenskyn, si “jolegjitim “Mund të negociojmë me këdo, por për shkak të jolegjitimitetit të tij, Zelensky nuk ka të drejtën të firmosë asgjë”, ka deklaruar Putin në televizionin shtetëror rus.
“Është e mundur të zhvillohen bisedime me këdo. Por për shkak të paligjshmërisë së tij ai nuk është në gjendje të nënshkruajë asgjë. Nëse ai dëshiron të marrë pjesë në bisedime, unë do të përgatis njerëzit që do të zhvillojnë bisedimet”, tha presidenti rus.
Shefi i Kremlinit theksoi se Rusia mund të caktojë njerëz për të zgjidhur mosmarrëveshjet mes palëve, edhe nëse Zelensky do të ishte prezent, në vend të zhvillimit të një takimi kokë më kokë. Kjo deklaratë e Putin ngjalli reagimin e presidentit ukrainas, i cili e akuzoi Putinin se ka “frikë” që të negociojë një zgjidhje për luftën pothuajse 3-vjeçare.
Kreu i shtetit rus disa herë ka deklaruar se ai nuk e konsideron Zelenskyn si udhëheqës legjitim, e kjo për shkak se mandati i tij presidencial pesëvjeçar duhet të përfundonte që në 20 maj të vitit 2024.
“Por nëse ka dëshirë për të zhvilluar bisedime dhe për të gjetur një zgjidhje kompromisi, këto bisedime le t’i bëjë kushdo. Natyrisht, ne do të përpiqemi të marrim atë që na duhet dhe të përmbushë interesat tona. Por për sa i përket nënshkrimit të marrëveshjes ne kemi nevojë për konfirmimin e ekspertëve ligjorë për legjitimitetin e atyre njerëzve që do të porositen nga shteti ukrainas për të nënshkruar këto marrëveshje”, shtoi Putin.
Sakaq, një sulm i rëndë ukrainas me dron në Rusi goditi një fabrikë industriale në rajonin e Nizhny Novgorod. Sipas lajmeve ruse rafineria e naftës i përket kompanisë ruse Lukoil që nga viti 2001. Kjo fabrikë e përpunimit të naftës është një nga më të mëdhatë në vend.
