Një peshkatar ka qenë vërtetë fatlum, pasi në grepin e tij ka rënë një peshk marlin prej 146 kg. Ai u detyrua ta tërhiqte peshkun në brenga, pasi peshku ishte shumë i madh për në varkën e tij.
Josh Roberts, 25 vjeç, ishte në bordin e varkës prej katër metrash, Rocket 1410, kur kapi peshkun gjigant të premten e shkuar.
“Kam kapur peshq të tjerë, por kurrë nuk kam kapur një marlin me shirita. Kam kërkuar për një peshk të tillë për 10 vitet e fundit”, tha ai.
Përpjekja për të transportuar peshkun marlin zgjati rreth një orë dhe kishte disa momente të rrezikshme.
Pas kapjes së peshkut, momenti tjetër ishte peshimi i tij. Robert ishte duke pritur që peshku të ishte diku rreth 115 kg.
“Sapo e vura në peshore, ishte 146 kg. Ishte vetëm si ‘uaaaauu!”, tha ai.
“Ishte një ditë epike.”
Roberts tymosi peshkun përreth dy ditë, ndërsa gati 50 kg ua dhuroi kolegëve të tij.
Tani që ai ka kapur një marlin me shirita, objektivi i tij i ardhshëm është një peshk shpatë.
