Milot Rashica është shfaqur protagonist në ndeshjen që ekipi i tij, Besiktas po luan në shtëpi përballë Athletic Bilbao. Sfida e vlefshme për raundin e 7-të të grupit të Europa League, është momentalisht 1-0.
Ishte pikërisht Rashica ai që shënoi golin për të tijët në minutën e 17-të. Ernest Muçi merr topin nga mesi i fushës dhe me një sprint të fuqishëm depërton drejt zonës kundërshtare duke pasuar për Rafa Silva.
Ky i fundit pason bukur për Rashicën i cili me një goditje spektakolare dërgon topin në fundin e rrjetës së portës kundërshtare.
