Kreu koreano-verior Kim Jong Un e cilësoi takimin e tij të parashikuar me presidentin Donald Trump si një shans historik, gjatë bisedimeve me sekretarin amerikan të Shtetit, Mike Pompeo, njoftoi sot agjencia zyrtare koreano-veriore e lajmeve, KCNA.
“Kim u shpreh se ky samit me presidentin amerikan do të jetë një takim historik dhe një hap i parë e shkëlqyer. Ai shtoi gjithashtu se do të ndihmojë në përmirësimin e situatës në Gadishullin Korean dhe në ndërtimin e një të ardhmeje të bukur”, sipas KCNA-së.
“Kjo është hera e parë që Kim Jong Un përmend publikisht takimin e parashikuar me Donald Trump”, sipas agjencisë koreano-jugore “Yonhap”.
Mike Pompeo vizitoi Korenë e Veriut për të diskutuar për modalitetet e këtij samiti shumë të rëndësishëm mes Donald Trump dhe Kim Jong Un, që pritet të zhvillohet brenda pak javësh, si dhe për të garantuar lirimin e tre amerikanëve në Korenë e Veriut.
