Tirana dhe Egnatia do të përballen në orën 16:30 në ndeshjen e vlefshme për raundin e 21-të në Superiore. Dueli do të zhvillohet në “Arenën Kombëtare”.
Bardheblutë nuk e njohin fitoren prej javësh dhe do të kërkojnë të dalin nga kriza kundër rrogozhinasve. Ajo që bie në sy është fakti se tifozët e të dyja palëve kanë vendosur mos të ndjekin ndeshjen nga afër, teksa stadiumi duket thuajse i boshatisur.
Rezultatet e Tiranës duket se kanë larguar edhe tifozët pasi sfida e sotme do të ndiqet nga një numër minimal i tifozëve bardheblu.
Statistikat janë në favor të kryeqytetasve, por skuadra e Tetovës ka treguar se di të luftojë deri në fund dhe do të kërkojë fitoren për të marrë përkohësisht kreun e kampionatit.
