Vitin e kaluar, 79 mijë e 500 familje në të gjithë Shqipërinë kanë jetuar vetëm falë ndihmës ekonomike të ofruar nga qeveria. Me numrin më të madh të familjeve të varfëra është Qarku Elbasan, me 18.6% të totalit të ndihmës në shkallë vendi.
Ndërkaq, ai me sasinë më të vogël rezulton Durrësi, i cili në 2015-ën mori 1.1% të totalit të fondit për ndihmën ekonomike. INSTAT-i nuk bën analizë të shpërndarjes, por duket se jo gjithmonë numri i popullsisë shkon në raport të drejtë me nivelin e mbështetjes sociale.
Elbasani e Durrësi kanë popullësi të përafërt, ndonëse në distanca ekstreme sa i përket familjeve me ndihmë ekonomike.
